ఈ సందర్భంగా మాట్లాడుతూ గత సంవత్సరం ముఖ్యమంత్రి కెసిఆర్ గారు కళాశాల ఆస్తుల విషయంలో స్పష్టమైన హామీ ఇచ్చిన, ఆ తర్వాత జరిగిన కళాశాల వార్షికోత్సవంలో విద్యా శాఖ మంత్రి శ్రీ కడియం శ్రీహరి గారు కూడా స్పష్టమైన హామీ ఇచ్చిన ప్రక్రియ ముందుకు సాగాకపోవటంపై ఆందోళన వ్యక్తం చేశారు. గత కొన్ని నెలలుగా విద్యార్థి సంఘాలు చేస్తున్న తీవ్ర ఆందోళనల దృశ్య 2 నెలల క్రితం విద్యాశాఖ మంత్రి, ప్రినిపాల్ సెక్రటరీ, జిల్లా మంత్రి పోచారం, ఎమ్మెల్యే గంప గోవర్ధన్ మరియు కామారెడ్డి కలెక్టర్ లతో ప్రత్యేక సమావేశం నిర్వహించి ఆస్తుల రిజిస్ట్రేషన్ కి వున్న అడ్డంకులు తొలగించాలని ఆదేశించిన ప్రక్రియ ముందుకు సాగటంలేదన్నారు.
ఈ సందర్భంగా కలెక్టర్ గారు స్పందిస్తూ, పూర్వ విద్యార్థిగా కళాశాల ఆస్తుల రిజిస్ట్రేషన్ ప్రక్రియ గురించి శక్తి వంచన లేకుండా కృషి చేస్తున్నానని వీలైనంత త్వరగా ప్రక్రియ పూర్తి చేసేలా కృషి చేస్తానని తెలిపారు. ఈ కార్యక్రమంలో నిరుద్యోగ జేఏసీ జిల్లా ఇంచార్జి రాహుల్ నేత, హేమంత్, జశ్వంత్, రాజేష్ మరియు నవీన్ తదితరులు పాల్గొన్నారు.
